湯盈盈、楊秀惠、陳鍵鋒及曹永廉等昨日於尖沙嘴出席由《忽然1周》舉辦的忽然聖誕食大餐活動，湯盈盈及陳鍵鋒即場擔任忽然一叮評判，與現場觀眾玩遊戲。
陳鍵鋒表示近日收到一位內地fans的信件，令他十分驚慌，他說：「因為封信有血迹，重寫話好想做啲平時戲裏面我同胡杏兒一樣咁sweet嘅行為，我見到啲血迹覺得好核突，即刻掉咗封信。」
買鑽石保值
湯盈盈被問到聖誕節可有收到男朋友的禮物時，她即說：「呢幾日都要開工，冇時間買禮物同收禮物。」湯盈盈又透露近日一位好友教她投資買鑽石保值，她說：「買樓要有一大嚿錢做首期，而買有證書嘅鑽石都可以保值，我朋友重話買一點九卡嘅鑽石好，因為有兩卡嘅size，而又唔使兩卡嘅價錢。」
採訪、攝影：王崇穎
