海嘯一周年，唔少人都會好大感觸，當中包括李永達。佢上年聖誕同太太陳樹英去咗布吉度假遇上海嘯，其間因為同香港失去聯絡，一度令外界以為佢有乜不測，好彩最終都大步檻過。
今年聖誕，達仔就邊度都冇去，留喺香港，佢話唔係怕出埠，只不過因為一直唔知個政改方案搞幾耐，所以冇計劃過去旅行。最終民主派速戰速決，達仔又多番個假期。留喺香港過聖誕，達仔噚日就拉埋太太一齊去咗西貢行山。結果一行就行咗四個鐘，令原本有傷患嘅達仔，好似老董咁話腳痛。八方希望痛還痛，千祈唔好好似老董咁黯然下台就好喇。
爆料熱線：29290000、27860099
報料傳真：26239278
報料電郵：[email protected]