張栢芝、任葆琳、施念慈及趙式芝等前晚盛裝出席平安夜Ball，張栢芝自爆今年做聖誕老人，狂買禮物送家人和朋友，又即晚豪擲近四萬元競投拍賣品，一日使費估計近十萬元。
前晚健康快車在中環四季酒店舉行「BlinkontheBlingBlings」平安夜慈善舞會，筵開三十席以北極和雪人等作枱名，充滿節日氣氛，出席的包括自言首次去Ball的張栢芝，任葆琳則偕兩名公司同事到場。
久未露面的任葆琳前晚以一襲贊助的九萬多元Versace透視裙亮相，大搶栢芝及友人風頭，中途更因攝影師近身狂影而不悅黑面。對於多次被拍到與男伴街頭買醉和發酒瘋，她前晚直言為避傳媒會減少曝光，她說：「好慘！有啲朋友就嚟冇得做，四、五個正常朋友一齊玩，就求其指個話係我男友，我有男友點會唔認？」
投字畫香檳
至於栢芝就自爆前日狂買聖誕禮物，她說：「我今年做咗聖誕老人，買好多嘢送畀屋企人，買咗啲三百蚊以上嘅做交換禮物，好似去X-game買滑水嘢畀細佬，家姐𠵱家大肚，喺加拿大又凍，所以買咗羽絨褸，媽咪就送手袋，佢個袋係我割愛自己幾個手袋，加埋限量版袋先trade到，係幾萬蚊嘅LV。」
提到聖誕願望，栢芝即說：「希望家姐BB健康，全世界開心，《無極》嘅成績愈嚟愈好，自己就平凡中更平凡，舒舒服服，任何事瞓醒都唔使諗。」問她為何不與老外男友過平安夜，以及近日盛傳她與霆鋒復合一事時，栢芝說：「哎吔！MerryChristmas!」說罷即轉身入場。
而栢芝在場內繼續做聖誕老人，慈善拍賣時，豪擲一萬八千八百八十八元買一幅名為豐收的字畫送予向華強夫婦，又以一萬八千元投得一支與胞姊出生年份相同的香檳送給她作紀念。
跟霆鋒好夾
此外，栢芝早前接受有線電視訪問時，大談生命中的男人，她指周星馳是其一生恩師，陳曉東則給她夢幻愛情，栢芝說：「我感覺自己似足白雪公主，我哋嘅愛好單純又好小朋友。」而盛傳與霆鋒復合，栢芝則表示只是好朋友，她說：「我對呢個人百感交集，好合得來，佢畀我安全感，我覺得佢係嗰種朋友有事會第一時間走出嚟為我擋刀嘅人，會係我一生嘅好朋友。」
採訪：DebbieLum
攝影：HoKwokHo
