市面上嘅HelloKitty都係斯斯文文唔多出聲，呢隻就唔同，佢會唱歌畀你聽㗎。嚟緊一月喺台灣嘅機器人博覽會，就有機會聽到。呢款喺日本限量三百隻嘅HelloKitty雖然唱得有啲五音不全，不過勝在個樣夠可愛。此外，重有識得才藝表演嘅機械狗愛寶五代，佢識執骨頭，又會踢波，當然重識得同主人撒嬌，真係大人細路都咁鍾意。