抵買指數：＊＊＊
今期《AutoExpress》內容好豐富，香港車迷最關心係全新平治C-Class的最新消息，此外，超豪轎車的英國勞斯萊斯，終於有計劃地研發Phantom開篷轎跑車；另外一直響歐洲大行其道的掀背小車，今趟一次過測試6款新型小車。
記者：陳偉林
平治新C-Class似CLS
新C-Class大概會響07年正式面世，外形酷似縮水版的CLS，重滲有轎跑車的味道。至於另一邊的英國勞斯萊斯車廠，繼去年展示過100EX概念開篷轎跑車之後，最近終於被狗仔隊拍得Phantom開篷轎跑車的試車情況，若然一切順利，這輛配備電動軟篷頂的豪跑，會在07年底前跟車迷見面。
新Civic媲美歐洲貨
標致206開篷車一直鮮有同級對手，但剛響歐洲正式面世的日產MicraC+C（即港版March），是衝着206CC而來，今期報道將會有詳細比較，你又估吓究竟日本車會不會勝過法國車呢，結果竟然係差不多，操控就唔及206CC喇。另外，今期亦講到部歐洲6部小車，本田Civic脫穎而出，係咪咁勁？真係要等新車嚟香港至知。