廣東嘅經濟發展可以話傲視全中國，今年嘅居民儲蓄餘額突破兩萬億（人民幣，下同）。廣東當局日前透露，今年廣東經濟發展良好，生產總值預計比去年增長超過一成二。對外貿易方面，廣東今年前十一個月嘅進出口總值超過三萬零六千億，增長兩成，預計今年將首次突破三萬二千三百億嘅大關。