今日是普天同慶的聖誕節，早前憑人氣劇集《阿旺新傳》穩坐無綫一哥寶座的阿旺郭晉安，除了祝大家聖誕快樂外，亦為自己編排了聖誕節目，就是與女友歐倩怡和親友舉行家庭派對，共度溫馨佳節。日前安仔和歐倩怡各自為對方選購聖誕禮物，還甚知對方心意，安仔挑選了價值逾一千元、有八十年歷史的比利時皇室貴族盒裝朱古力，讓女友甜到入心；歐倩怡則知道男友愛插花，故精心選了價值八百八十元的德國花瓶做禮物。
開P做煮婦
旺嫂歐倩怡日前到中環IFC，為男友選購聖誕禮物，當日她先到Swarovski水晶店，細看兩隻價值約三千六百元的水晶面男裝表，緊接再到Goebel高級瓷店，參觀瓷器家居擺設以及到法國品牌Dormeuil男裝店，挑選羊皮大褸和牛仔褲。
愛群體活動
最後歐倩怡揀了價值八百八十元、印有揚帆出海圖案的花瓶，她說：「佢鍾意插花，安仔好希望有日可以揚帆出海，所以好啱佢。」談到今晚在家開P，歐倩怡說：「安仔好鍾意啲家居嘢，今年直情買咗棵真嘅聖誕樹，要淋水㗎，佢負責幫棵樹扮靚。我就負責廚房嘢，諗吓整乜蛋糕、買乜嘢肉。」歐倩怡跟男友拍拖七年，笑言暫未有太難忘的聖誕，她說：「因為我同安仔都鍾意群體活動，過節同家人一齊重warm啦。」
採訪：朱倬誼
攝影：陳慧安
