何韻詩回想一九九六年由加拿大回港參加新秀歌唱比賽，憑着演繹梅艷芳的《女人心》而晉身樂壇，她表示自己有今日的成績，最感激雙親的支持。
收匯款內疚
阿詩想起當年拿着新秀冠軍的十萬元獎金，繼而毅然留港發展，阿詩說：「當時我拎住呢筆錢，喺旺角搵咗間環境好『噏耷』嘅地方落腳，每個月都要九千幾蚊租，我每日生活都要死慳死抵，唔敢亂買嘢。就算要睇戲都係租影碟睇，唔敢去戲院睇，結果嗰十萬蚊都畀我『搣』咗年幾。」
不過，阿詩爸媽很擔心女兒的生活，所以偶爾都會低調把錢從加拿大過戶到她的銀行戶口，阿詩說：「每次我㩒機見到銀行戶口多咗錢，除咗好感動同內疚，重會要自己快啲爭氣啲。」
直至阿詩演唱卡通片主題曲《小丸子》後，她的工作開始接踵而來，阿詩說：「我開始有啲商場騷做吓，經濟情況又有好轉。」
父母皆Fans
為了答謝父母的支持，阿詩早前唱了一曲《絕對》獻給他們，阿詩說：「我次次唱親呢隻歌，就好自然會流眼淚，爹哋媽咪又喺我嘅超級fans，佢成日會幫我啲fans去整橫額，重拎埋去我做騷嘅地方支持我，無論去幾遠幾細嘅場，佢哋都唔嫌遠。」