一支鑲有一千九百一十九粒白鑽、價值九百萬人民幣、全球最貴嘅奧羅拉誕辰紀念名筆日前喺成都王府井百貨展出，當日只接受預訂。呢支筆係奧羅拉公司（Aurora）為咗紀念一九一九年公司誕生專門製造嘅，有黑鑽、白鑽兩款。鑽石中有一粒重達三十卡，筆尖有一粒天然磨圓嘅兩卡寶石，由三名經驗豐富嘅技師，用半年時間造成，切割鑽石就用咗三個月。