噚日朱慧敏、Krusty、周麗淇同Rosemary等去到慈雲山中心出席「Snoopy聖誕變髮Show」，對於日前有報道話朱慧敏承認同師傅葉青霖秘密撻着半年，佢就解釋報道入面所指嘅「撻着」，應該係指佢同師傅緊密同有默契嘅合作，因為之前佢哋去張家界做嘢到𠵱家已經有半年時間。
諗過退出娛圈
另外，朱慧敏話聖誕佳節都唔會四圍去，因為佢好驚俾人影到同男性朋友去街，又會再有唔好嘅報道，所以都係留喺屋企過。經過咗同梁榮忠嘅「車震」，同埋傳佢同師傅撻着呢兩件事之後，朱慧敏話朋友同屋企人、甚至自己都有諗過退出娛樂圈，佢好無奈咁話自己雖然好堅持，但啲負面新聞實在toomuchatthesametime（同一時間太多了），搞到佢自己都唔知可以撐到幾時。
此外，噚日Rosemary喺活動上就着咗一條非常性感嘅低胸裙，成為全場嘅焦點。Rosemary話聖誕會同媽咪食完飯先同朋友去酒吧玩，通常大時大節酒吧都會有好多人，Rosemary就話唔怕俾人鹹豬手，因為佢嘅朋友全部都好高大同好強壯喎。
