今天是聖誕節，胡杏兒選擇留在家中，與家人開P同慶佳節。雖然緋聞男友黃宗澤暫時未有表示，但胡杏兒仍感興奮，皆因最近連捧三個電視獎項，過去六個月內更勁賺近百萬酬勞，名利雙收已是最佳聖誕禮物。
胡杏兒明年初將往內地拍攝無綫新劇《太極》，預計逗留四個月。起行在即，杏兒自是爭取時間與家人見面，就連今天的聖誕節，她亦選擇與家人開P慶祝。
將赴大馬領獎
問杏兒會否外出欣賞聖誕燈飾？她說：「唔喇，我好怕多人，寧願留喺屋企唞吓好過。」禮物方面，杏兒表示暫時只收到經理人送她的保暖手套，緋聞男友黃宗澤則未有表示。
雖然今年禮物不多，但杏兒仍表示收穫豐富，她在電話中說：「上年我大出血送禮，都冇禮物收嘅，但今年就收到好好嘅聖誕禮物，就係喺呢個月內攞到三個獎，呢啲有錢都買唔到㗎！」
杏兒所講的三個獎，包括「Yahoo！搜尋人氣大獎2005頒獎典禮」本地電視女藝人人氣大獎、內地「南方盛典─2005影視年度頒獎禮」最具人氣粵語演員獎，及明年初到馬來西亞領取的電視獎項。
承認收入大增
杏兒憑劇集《我的野蠻奶奶》帶挈，人氣大增兼連番獲獎，更令其工作不絕，杏兒亦承認近半年來收入大增，她笑說：「拍完劇集《亂世佳人》之後都係休息，咁啱近排有啲活動，出嚟又有贊助商送吓禮物，幾好㗎，又食又拎！《我的野蠻奶奶》出咗之後，呢大半年嚟加埋拍廣告，都賺咗接近七位數字，我每年收入都有啲進步，好難計，但今年算係我入行以嚟收穫最豐富嘅一年。」
採訪：朱倬誼
攝影：葉君海
服裝：Bauhaus
場地：HABITUTHEPIER@OceanTerminal
