中國羊毛老字號恆源祥，最近同北京奧組委簽約，成為北京奧運贊助商，恆源祥重送咗價值九百萬蚊（人民幣．下同）金羊毛製嘅棉料，畀奧祖委紀念，極之重手！其實，董事長劉瑞旗「恨」做奧運贊助商好耐，佢話過去幾屆，每次都去問價，將贊助奧運看成企業成長一種激勵咁講。呢家創於一九二七年嘅老字號，一年生意額成四十億，係中國毛紡織行業一哥，咁多年都屹立不倒。