聖誕長假前港股並無驚喜，恒指走勢大牛皮，全日波幅僅44點，成交亦大縮至110億元，恒指最後僅升1點，收15183。
全周計，恒指上升153點，升幅1.02%。港股下周只有3個交易日，但恒指現水平距今年高位15509不過326點，仍有機會創出全年高位收市。
由月線圖看，恒指12月至今上升247點，看來重溫去年12月升市的機會很大。恒指去年12月升得唔算多，只有170點，但趙飛雲同好多散戶一樣，絕對唔介意今年12月升多過去年12月，而且重係愈多愈好。
住香港買港燈
原本聖誕節是普天同慶，但昨日港燈（006）公布明年1月1日開始，電費加價7.2%，就令到住喺香港島及南丫島的用戶好激氣，一來香港島嘅電費一直貴過九龍，現時重要一加就7.2%，難怪佢哋咁勞氣。
事實上，趙飛雲覺得近幾年的電費及煤氣費支出比例愈來愈大，再睇吓呢幾隻公用股升幅，03年1月至今，港燈由30元水平升至昨日的39.20元，升幅30%，中電（002）則由30元水平升至昨日45.70元，升幅達52%，中煤（003）由10元水平升至昨日16.90元，升幅更達69%。
以上3股3年累計升幅似乎唔係好特別，但唔好忘記呢類係投資者主要用作保本收息的公用股，唔係高增長股。
趙飛雲就覺得與其勞氣住香港要交多電費，不如買番啲港燈做埋佢股東作為幫補好過。
趙飛雲