明晚是平安夜，組合草蜢將聯同吳卓羲、周麗淇，齊集尖沙嘴廣東道與歌迷倒數迎聖誕。草蜢表示他們每年都會共度聖誕兼交換禮物，去年三子更不約而同選購T-back做禮物，結果齊齊約定於早前舉行的演唱會首場穿上，紀念一番。
草蜢於十月舉行了一連三場「草蜢我們的演唱會」，反應熱烈，之後即傳出消息，指草蜢將於本月再舉行Part2個唱，其後主辦單位已表示純屬誤會，不過三子將於明晚平安夜聯同吳卓羲、周麗淇等，在尖沙嘴廣東道與歌迷一同倒數，迎接聖誕。
紀念友情
草蜢近日拍攝了一系列的聖誕照片，問到三子近年如何度聖誕時，他們表示：「其實我哋年年都會約埋班朋友一齊開聖誕派對同交換禮物，感受聖誕氣氛。記得上年最搞笑係我哋三個不約而同買咗T-back底褲畀對方，最後我哋約定咗喺今年嘅演唱會第一場就着住佢，紀念吓呢份咁有意義嘅禮物。」
三人世界
除了交換禮物外，三子還會趁佳節浪漫一番，事緣有一年蔡一傑邀請了哥哥蔡一智及另一位成員蘇志威到他的家中過聖誕，還事先聲明不准攜眷出席，原來蔡一傑特別為兩人親自下廚，烹調燭光晚餐，氣氛浪漫。
蘇志威與蔡一智品嘗過蔡一傑的廚藝後，即讚不絕口，蘇志威還說：「傑仔真係一個好出色嘅廚師，佢煮嘢食好叻，如果大家有機會嘅話，真係要試吓佢嘅手勢！」
撰文：比華利
