過幾日就係聖誕節，大家都消費慾高漲，唔少人都會乘機買番部新DC，聖誕影吓燈飾咁，不過近期DC場最好賣嘅並唔係一般DC，而係SANYO嘅DV機C6！影夜景，梗係要ISO夠高先得，C6嘅ISO最高去到成3600，真係唔講得笑，試過嘅人都話效果出乎意料之外，雜訊問題非常輕微，影片解像度又去到640×480，售價只係$3,880，難怪吸引到咁多人買！
C6賣到滿堂紅，估唔到SANYO今日就出咗張單張落舖，話1月尾會推出一部拍片解像度上到1,280×768嘅C系列新機，嘩！咁嘅像素，咪直逼HDV？無錯，不過價錢只係七字頭，好吸引喎！聽到咁樣，可能你會話，咁重點會買部C6呢？咁你就大錯特錯，SANYO同時推出咗一個100%回贈計劃，以原價（$3,990）回收部C6，補番差價就可以換部新機，連上一部C5都可以$3,590回收，咁筍嘅換機計劃，都真係第一次聽到！
文、攝：DC加路