萬眾期待嘅NikonD200已經喺上個星期到咗場，不過好多人都嘈住話買唔到機，小記於是落場問下Sales究竟發生咩事，原來Nikon行貨方面派貨數量非常少，舖頭想拎10部，一個星期先派得嗰一兩部，Sales都話好頭痕，就算到貨都只可以留畀落咗訂嘅客人，至於其他客仔，Sorry喇！冇貨大家都唔想嘅！Sales重透露畀小記知道，好多人見到D200出街，都嗱嗱聲拎部D2X落嚟放，搞到佢哋都唔敢高價收貨，不過原價接近三萬蚊嘅D2X，都竟然有人肯放萬八蚊，連發燒友都好似搏晒命追新機咁，喺數碼單反嘅市場，真係近年少見嘅現象！
文、攝：DC加路