雖然一講起金融貨幣政策，好多人都眉頭猛皺，但據華華觀察所得，金管局於國金中心二期辦事處設立嗰檔資訊中心，真係有唔少公眾有興趣到訪！老外、國內遊客、本地市民老中青等絡繹不絕，中心已成為公眾認識本港金融發展史的重要平台。
總裁任志剛喺每周專欄《觀點》內透露，中心投入運作2年以來，訪客人數在本月初已突破了10萬人次紀錄，由中心職員及從本港大學招聘的學生大使所擔任之講解導賞服務，迄今亦已舉辦了超過1000次，而且年輕訪客有趨升之勢。
金管局又破天荒，以本港古今錢幣圖樣為主題，邀請全港小學生參與繪畫創作比賽，得獎作品重會喺明年初展出，據聞至今收到嘅反應都好踴躍。
李華華