無綫高層陳志雲嘅爸爸陳占源日前病逝，享年七十六歲。陳志雲同爸爸相依為命多年，感情一向好好，月前佢哋兩父子重一齊外遊，陳志雲對於父親嘅離去自然係好難過，不過佢仍然感激各方好友連日來嘅慰問，佢重話已經安排好爸爸嘅身後事，下星期二會喺香港殯儀館設靈，整個喪禮會採用天主教儀式舉行。