方力申日前與歌迷提早慶祝聖誕節，在尖沙嘴舉行歌迷聚會，為答謝fans支持，方力申向每位歌迷送一支玫瑰花。他邊唱《超級愛你》，邊送上鮮花，冧盡歌迷，令每位都甜在心頭。
在聖誕節要工作的方力申，日前提早與百多位歌迷歡度佳節，小方除了和歌迷近距離接觸，大玩遊戲和一起唱卡拉ＯＫ外，更準備了紅玫瑰，當他獻唱自己的歌曲《超級愛你》時，便情深款款地向歌迷送上鮮花，令眾人暈大浪，對於小方的心思，歌迷感動不已。
製造浪漫
其後小方與一位在歌唱比賽中勝出的男歌迷合唱《好心好報》，男歌迷和小方都拒絕唱Stephy的女聲部份，但小方見到男歌迷那麼堅持，惟有連Stephy的高音部份也兼顧，只見小方努力地唱，歌迷都忍不住笑。最後歌迷還送了一條名牌頸巾給他。
事後小方說：「最初我諗住送曲奇餅嘅，但係覺得女仔鍾意收花，而且聖誕節收花會浪漫啲，紅色嘅花又會多啲節日氣氛。我見啲歌迷好開心，重有歌迷話佢係第一次收男仔送嘅花，佢哋收得好興奮就得喇！我知道好多時喺台上我都漏咗多謝佢哋，所以送番啲禮物，等佢哋知我冇講唔代表我冇心囉！」
改新簽名
此外，小方表示於明年一月一日會改簽名，他說：「我覺得藝人應該五年有一個進步，○六年我會開始拍多啲戲，而且都入行五年，開始做另一種嘅多棲藝人，算係一個新嘅開始，咁就由我嘅簽名開始。」
採訪：王連連
攝影：何國豪
