向來甚少作性感打扮的劉綽琪，最近頻頻拋胸露肉亮相，一改以往正派形象，轉演壞女人角色，雖然她否認刻意轉型，但坦承無懼大晒天賦本錢，實行大解放來奪取觀眾芳心，趁機上位。
劉綽琪出道八年，過去無論戲內戲外均予人乖乖女形象，但近期她開始蛻變，在多份雜誌報章中都可見到劉綽琪大解放的照片，甚至她在無綫劇集《識法代言人》的角色，也是一位感情錯綜複雜的反派，令人揣測這正是她改變形象、一鋪上位的第一步。
轉型變熟女
雖然劉綽琪否認刻意轉型，但卻坦承人長大了希望以女人味示人，她說：「我唔係大家想像中咁密實，最緊要靚，女性嘅胴體係用衣服嚟襯出美態，有本錢點解要嘥？何況我都大個女，可以行一啲晒女人味嘅路線，隨住我成熟咗，相信觀眾都會接受。」
大搞三角戀
劉綽琪在《識》劇中演有夫之婦，大搞三角不倫戀，結果被網友狂轟，罵她是衰女人，劉綽琪看後不但沒有不悅，反而哈哈大笑，還希望愈多人鬧愈好，她說：「俾人鬧先代表成功，所以我睇完反而好開心，我之前拍嘅劇好似《法網伊人》、《翻新大少》等都比較正氣，今次演邪牌角色係新嘗試，都幾成功。好似當年吳家麗咁，一諗起做妓女角色都會記得佢，所以我唔介意做邪牌。」
採訪：卓寶花
攝影：陳慧安
服裝：SistyrMoon（粉紅色背心）Moiselle
髮型、化妝：Joe'sImage
場地提供：TwentyoneTwentyone（蘭桂坊）
