每逢聖誕節，大家總會高高興興地慶祝，一向給人嚴肅感覺的吳卓羲亦不例外，日前主動拿着聖誕老人的袋子兼騎着鹿形裝飾拍照，情緒高漲。吳卓羲表示已準備送新專輯給朋友，談到會否送給緋聞女友周麗淇，他笑言對方可回公司取碟。
聖誕節是普天同慶的大日子，就算常被指很cool的吳卓羲，都被融化流露調皮一面。日前吳卓羲應邀拍照時，看到一個鹿形裝飾，便興高采烈地為聖誕鹿裝飾，其後更騎着鹿仔扮聖誕老人派禮物，非常搞笑。
自製吳氏蛋沙律
吳卓羲透露聖誕節將出席草蜢在廣東道舉行的倒數活動，故此佳節將在工作中度過。不過剛推出唱片的他非常識做，買定聖誕禮物送給同事，問他會否買禮物送緋聞女友如周麗淇等，他說：「會，我會送新唱片畀佢哋，周麗淇都問過我，我叫佢返公司拎我隻唱片囉。」
回想起未入行前的聖誕節，吳卓羲謂會親自炮製吳氏沙律大宴親朋，他說：「年年聖誕節都會去朋友搞嘅派對，我就負責整蛋沙律，其實唔係普通嘅蛋沙律，我會加啲蘆薈，比較健康啲。」
摸黑捉魚救朋友
吳卓羲更表示讀書時，曾在聖誕夜到魚排摸黑捉魚，他說：「嗰個魚排係我朋友屋企人開嘅，我哋捉魚又捉蝦，但係有個朋友懷疑飲咗少少啤酒，所以跌咗落魚排，我笑完咪救佢囉。」
採訪：王連連
攝影：仇志德
場地提供：Balalaika餐廳（尖沙嘴分店）
