今年整體二手樓交投暢旺，幾冷門嘅單幢樓，或幾殘嘅舊樓，間唔中都有啲成交，鄰近粉嶺火車站嘅廣福苑，竟然喺年尾至錄得全年第一宗成交，都幾罕有。 利嘉閣朱文傑話，廣福苑係區內市中心附近、極其罕有嘅千呎大宅，長期缺盤，以致買賣疏落，今年尤甚，至今都冇一單，直至啱啱成交咗個低層單位，約一千二百五十呎，作價二百八十八萬，每呎二千三，打破全年悶局。