SONY隻BRAVIA呢期幾當打，當中以隻KLV-S32A10最好賣，32"LCDTV尺寸適中，$14,800買日本貨，好多國產機都俾佢夾住跌到唔過萬！早前BRAVIA嘅貨源都幾緊張吓，不過最近有大貨返咗，相信大家都較易搵貨。
淨係話你知「抵玩」，實俾老編話我交唔足功課。好！爆多少少場料畀大家！基本$14,800係一個行貨指導價，就算你點「捽死」個Sales都好難減多一毫子畀你！不過最近有連鎖式經營嘅影音店，玩「暗啞底」9折平賣，真係幾震撼吓！據知代理方面，成日都派人落場Check價；所以為免被人發覺，呢個優惠只會喺星期六、日，呢啲「冇王管」時段玩！好想知邊間？講個謎語俾大家估，「富貴屋」估兩個字，講到盡喇！
文：AVMAN