政改方案由第一日就肯定失敗，唔係八方燒馬後炮，因為係睇吓邊個掛帥就知，林瑞麟，當年佢做特首辦發言人，連啲初出茅廬嘅記者都唔肯去每周新聞發布會，因為太冇料，太官腔。
本來林D8做發言人，唔掂都算，點知老董好器重佢，叫佢負責搞高官問責制，佢老哥重自告奮勇，𠵱家梗係自討苦吃，自薦做政制事務司，搶咗孫公碗飯食，當時八方就聽過孫公好唔開心，因為明明佢做開，點解要調去佢接黃星華個「好位」，負責房屋規劃。
孫公真係好難頂，但係勝在逢凶化吉，反而林D8就慘敗告終，用人真係一門好高嘅學問，煲呔上場都唔換人，肥龍曉飛都冇用。
林D8聽講好勤力，可惜唔係材料，冇法啦！
傳真︰2623-9278
電郵︰[email protected]