煲呔前晚漏夜見議員，想盡最後努力拉啲票過嚟，可惜都唔成功，八方噚晚喺立法會見到民協嘅馮檢基，阿基話，煲呔回應唔到佢三個要求，包括加快取消區議會委任議席，喺○七年任期屆滿前，就雙普選時間表及路線圖提交中央等，所以冇得傾。
而喺發言時，阿基重用貓糞論嚟形容佢對實現雙普選嘅願望，就好似一碗有鮑魚、魚翅嘅粥裏面，多了一粒貓糞（即政改方案），結果梗係成碗粥唔食得，你話幾咁可惜。阿基嘅比喻雖然通俗咗一啲，但係好貼切，香港人個個都好醒，如果真係好正，佢哋一定唔會拒人於千里，你估大家唔驚得罪阿爺咩。
傳真︰2623-9278
電郵︰[email protected]