世界咁大，邊度嘅聖誕樹最高呢？暫時未知，但係重慶最高嘅聖誕樹，就有二十五米；最特別係棵樹由八萬個全新嘅空飲品樽搭建出嚟，工人𠵱家重喺度趕緊工。為咗令聖誕樹喺夜晚更加閃爍奪目，重會有四千米長嘅滿天星，同埋九百米嘅軟管燈點綴，咁有心思，同內地嘅後生仔愈嚟愈睇重聖誕節有關。