唐寧從小到大都有養狗，她會細心選擇適合的狗糧給四隻愛犬，又會帶牠們散步和沖涼。養四隻狗最重要是公平對待，唐寧說：「我唔會偏心，嗌漏一隻狗，佢會知㗎，要嗌就嗌勻晒，你公平錫佢哋，狗仔就唔使爭寵，爭唔爭寵係我話事。 「養狗係要付出時間，同佢分享自己嘅生活，要養佢哋一世，唔係買佢返嚟交晒畀工人打理，得閒摸吓佢就算，諗清楚至好養。」