立法會噚晚開夜車，民主派叫晒啲市民去立法會出席燭光集會，為二十五個泛民主派打氣，叫佢哋企梗。噚晚氣溫驟降，又刮起大北風，實在好應景，因為班民主派議員的確係頂住北邊吹嚟嘅寒風，不怕秋後算帳，憑良心投下否決一票。
喺大家都為民主而奔走嘅時候，八方忽然見到有個小檔口點起蠟燭（圖），為韓農籌款打官司，真係服咗主辦單位，唔會錯過任何機會，又服咗香港人，幾時都好有同情心。聽有份為韓農提供法律服務嘅馬丁講，如果最終真係要打官司，真係要花唔少錢。
政府當初有安排過當值律師畀十四位被落案示威者，但係韓農佢哋要請私人律師，所以就要使錢囉。
傳真︰2623-9278
電郵︰[email protected]