袁彩雲近年主持不少飲食節目，原來她從小便喜歡走入廚房弄菜，甚享受由早到晚吃完又煮過的歡樂時光。袁彩雲早前推出《彩雲魔幻廚房》一書，她表示女孩子識整蛋糕，會令男士加印象分，至於開班授徒，彩雲則表示要吸收多一點經驗再決定。
袁彩雲繼去年推出飲食書後，今年再下一城推出全新《彩雲魔幻廚房》烹飪書，新書中除了彩雲本身最拿手的甜品糕點外，更加插了飲料調校方法。雖然已非首次出書，但彩雲心情依然十分緊張，她說：「其實籌備都有一段時間，因為上一本反應都唔錯，所以今次都有少少壓力，而且自己重要不停去試新嘢嚟介紹畀讀者。」
親做生日蛋糕
拍攝當日彩雲更即場製造朱古力榛子蛋糕及肉桂杏仁曲奇餅兩款甜品，她說：「呢兩款甜品新書都冇教嘅，不過做法都唔係好難，我自己都好鍾意食。」自從主持飲食節目後，彩雲表示愛上烹飪，閒時亦會招呼三五知己到家作客，她說：「間唔中都會請朋友嚟試新嘢，女仔識整甜品，會令人眼前一亮，男仔都會加印象分啦，朋友生日又可以親手整生日蛋糕送畀人，都好有意義。」
計劃開班授徒
彩雲表示閒時會在家整甜品，希望可以不斷創新。至於會否開班授徒，她說：「都有諗過，不過暫時應該唔會住，其實好多朋友都有叫我開班教人，但我覺得都係要等自己預備多啲先，等出到嚟可以畀人覺得會有多啲驚喜，其實整嘢食除咗食物新鮮之外，驚喜同創意都好重要。」
採訪：王崇穎
攝影：林德雄
