容祖兒前晚以壓軸嘉賓身份為品牌萬寶龍女裝首飾系列行處女貓步，她心目中的模特兒是完美的，因為懂得扮靚，而她更因心情緊張，行貓步時要參考其他模特兒所擺的甫士。
著名品牌萬寶龍（Montblanc）前晚在中環舉行女裝首飾系列派對，邀請了一眾嘉賓包括陳小韻、郭可盈、何超儀、余文樂及馬德鐘等到場慶賀，而容祖兒任壓軸嘉賓，並獻出其第一次，為此品牌行catwalk。
祖兒身穿CelineSpringSummer系列的白色春裝出席，並戴上由大會提供的首飾行騷，她指這是首次為品牌行騷，祖兒說：「今次酬勞好好，我都有睇住模特兒點擺甫士，因為自己有啲緊張。我覺得model好完美，佢哋皮膚好，又修甲，會整好多嘢。」她續指曾在內地見過模特兒急速換衫的情景，問她是否夠膽與模特兒一起換衫，祖兒說：「全部女仔都冇所謂，我喺演唱會都試過，試過有三個女仔幫我換裙。」
撐吳美珩演《太極》
郭可盈以一頭假短髮的新造型出現，對於她辭演電視劇《太極》，有指由吳美珩頂替，郭可盈聞言說：「吓！係咩？我不嬲都話呢個角色係好機會，我覺得好啱佢做，而且同趙文卓合作都好，佢哋都係國語人。」
採訪：楊潔雯 攝影：葉君海
