聖誕節係消費旺季，各大商場出盡法寶，吸引更多人流，除咗購物優惠之外，最有效，莫過於大搞應節嘅商場活動，好似商場多籮籮嘅新地，無論大場細場，聖誕期間都有多到數唔晒嘅節目，等蘭西介紹其中比較好玩嘅畀大家。
首先係大埔超級城、元朗廣場、柴灣新翠商場及薄扶林置富南區廣場，四個較大型嘅商場，同以聖誕車做主題，大埔超級城C區美食坊，變身成為格蘭披治賽車場，小朋友捐出十蚊，就有機會參加聖誕賽車大賽，與騎住雪車嘅聖誕老人一齊馳騁賽道上。
另外，全球最肥嘅聖誕老人，二十三至二十六號期間，喺唔同時段，現身新地十個商場，腰圍五十吋、手臂二十吋嘅龐然巨體，一定要同佢影張相留念。
電郵地址：[email protected]