陳奕迅向來熱愛唱歌兼且對唱歌有要求，他前晚往旺角賀一間卡拉OK開幕，即場大發牢騷批評香港的卡拉OK要改進設施，又指摘Ｋ客沒有公德心，隨地嘔吐。
陳奕迅（Eason）、梁詠琪（GiGi）、容祖兒及方力申等歌手與唱片公司人員，前晚到旺角祝賀某卡拉OK新店開幕，Eason到賀時接受訪問，但他竟倒米指香港的卡拉OK設備有待改進。
Eason前晚到場後不唱K便離開，談到唱K，他大發牢騷說：「𠵱家香港啲卡拉OK設施要改進吓，啲音響轉key時，和音變晒卡通人物聲，唉，都冇法，卡拉OK生意好到唔憂做。」Eason還指摘唱K的人士，他說：「啲客人嘔應該去廁所，對準個廁所位，我有時覺得間房地下好𣲷，覺得啲人好冇公德心。」Eason透露他未當歌手前很喜歡唱K，他說：「我𠵱家識扮其他歌星唱歌，都係嗰陣練出嚟嘅。」
GiGi唱別人的歌
梁詠琪則表示自己經常唱K，通常唱林憶蓮和王菲的歌，問她唱不唱男友鄭伊健的歌，GiGi說：「男仔key點唱呀？」方力申則謂他去唱K都會少飲兩杯，他試過喝醉酒乘的士返家，他又謂：「我飲醉酒會騷肌肉，要人摸我，男女都好鍾意摸我。」
此外，祖兒日前於南京針灸返港，她要保養聲帶，故不能大聲說話，祖兒說：「我細佬前日喺大馬返嚟，我哋去咗唱K，我都要忍住冇得唱，我𠵱家連笑話都唔聽得，因為唔可以大笑。」她昨天到商台接受訪問，有消息指她於勁爆頒獎禮將得六個獎成大贏家，她說：「係咪真㗎？如果唔夠數你補畀我，不過聽到都好開心嘅。」
採訪：胡比、馬建華
攝影：陳偉權
