早前熱炒的大陸地產股，昨日幾乎全面報跌，例如富力地產（2777）跌5.94％，收25.35元，上海復地（2337）跌7.97％，收2.60元，但波幅最大莫過於麗豐控股（1125），低見0.245元，收0.275元，跌6.8%。
不過，同樣喺大陸搞地產的雅居樂（3383）就異常硬淨，平收3.80元，完全置身事外咁款。經紀黃話，人哋有個好保母，有買盤排隊力撐，所以表現零舍唔同。
經紀黃又話，其實半新股中，企得硬淨又何只雅居樂，喺大陸搞百貨的百盛集團（3368）一樣好靚仔，芬佬睇好大陸消費概念，細size如日前推介的宜進利（304）係其中一個例子，至於大size的，就要數百盛呢類股份。
百盛現時有28間店舖，雖然規模已唔細，但據講百盛仍全力擴展，諗住喺5年內開多30間新舖，可列入高增長股份。
百盛以9.80元招股，上市後最低見11.55元，最高見13.35元，昨日收12.80元，升1.59%。
慕容小初