國內近年愈嚟愈好似香港一樣咁重視聖誕節，雖然冇假放，但係對於零售業嚟講，聖誕節亦係搵多啲生意嘅機會。 北京東方新天地商場，今年就放咗棵巨型水晶聖誕樹，吸引遊人，棵樹掛咗二十八個水晶球，重有一粒巨型水晶星星，聽講話，用咗十萬粒施華洛世奇水晶鑲嵌。 附近嘅東方經貿城，聖誕期間，會安排現場午間弦樂表演，地點係大廈大堂，演奏唔同嘅聖誕歌曲。