佳餚當然要佐以美酒，聖誕當前，訂紅酒可能係唔少人嘅指定動作。佳節過後，杯盤狼藉之時，面對一個個硬繃繃的木製紅酒箱，只有順勢放在陽台或牆角，當成收納盛器以外就別無他法？非也，只要大家動手把它修飾一番，紅酒箱都可以入得廚房，出得廳堂！
記者：盧家蕙
攝影：何家亮
模特兒：方氏一家
鳴謝：2號Van、文叔
多用途迷你組合櫃
這個獨一無二的可愛迷你組合櫃，是由下面的迷你廚櫃變奏出來的，只需4個紅酒箱就得（怕複雜可先試做迷你廚櫃）！放入客廳唔失禮，擺入睡房又實際，最重要係所費無幾就有新櫃用，慳番啲錢過年。
基本材料
紅酒箱數個（長20"×高13"×深6.5"）
其他材料：
油漆、油漆掃、天拿水、電鑽、手套、粗幼砂紙、海綿、牛皮膠布1卷。
變身材料
2個迷你小廚櫃（連層板，做法見下文）、2個未加工酒箱、多塊有孔鐵片。
變身話咁易
小貼士
油漆一般可在五金舖購買，而木板、釘、滾輪、手把則可在宜家傢俬找得到。
一分為二變迷你廚櫃
驚組合櫃難做，先教大家作個熱身運動，預備一個紅酒箱，量度箱的尺寸後，以層板作分隔，紅酒箱就簡簡單單地一分為二了，紅酒箱打破平放的定律，更可作小廚櫃，多放些玻璃瓶、杯、碟也絕無問題。
變身材料
變身話咁易
單層雜物車
唔夠位放組合櫃？唔緊要，一個紅酒箱便可成為活動式雜物箱，用作放小朋友玩具亦相當好，轆來轆去夠方便，斷估間屋唔會冇位喇啩？製法好簡單，做出來又夠實用，裝上手把後重可以將雜物車四圍拖。
變身材料
滾輪4個、釘、手把1個。
變身話咁易
雙層雜物車
細蚊仔玩完玩具鍾意四圍擺，大人睇完雜誌食完薯片又係冇手尾。想雜物一掃而空，不如搵多個紅酒箱，整架大人細路都啱使嘅雙層活動雜物車，一人一層，咁就唔使爭！先預備2個酒箱，重複單層雜物箱的做法，釘上木板並掃上油漆，再裝好滾輪便可。
變身材料
4條長木板（約23"×3.5"×1.5cm厚）
變身話咁易
