關淑怡嘅最新單曲專輯今日推出，呢隻限量版唱片只發行一千隻，但歌迷一等就等咗成十年，真係等到頸都長。關淑怡為回饋歌迷嘅支持，所以準備咗一批演唱會飛送畀佢哋，買咗呢隻專輯嘅歌迷，可以登入指定網站登記抽獎，抽中嘅幸運兒就會得到佢喺出年二月舉行嘅個唱入場券，都算有噱頭喎！