「一座恭王府，半部清朝史」，內地為重現北京恭王府原貌，斥資四億人民幣大修恭王府，成為清代王府嘅博物館，畀人了解清代人嘅生活，預計○八年奧運前會向遊人開放。唔講唔知，原來呢間豪華宅第係權臣和珅起㗎，嗰時叫「和第」。咸豐元年，恭親王奕訢做咗間屋嘅第三代主人，自此「恭王府」個名沿用至今。