SignatureHome中半山帝景園，早排翻新，會所加添唔少新設施，將舊一代嘅豪宅級數提升。 為慶祝完工，加上普天同慶嘅聖誕節就快到，今晚SignatureHome與業主委員會合作，喺物業平台搞個為時兩分鐘嘅放煙火活動，又搵嚟大業主、亦即喺東亞銀行主席兼行政總裁李國寶做主禮嘉賓。 時下一般屋苑會所，設施幾乎乜都有，聽講，帝景園會所亦新加唔少設備，好似迷你影院及卡拉OK房，又專程由捷克訂製一部三角鋼琴坐鎮會所，同新一代豪宅嘅水準拉近。