聖誕將至，利嘉兒日前帶了愛犬豆豆到寵物時裝店買新衫。利嘉兒買了黑超、牛仔褲和T恤給豆豆，豆豆又試穿燕尾王子服，變身狗王子。豆豆很乖巧，但十分為食，每做一個動作，一定要餵零食獎勵。
利嘉兒養的白爹利豆豆兩歲多，性格活潑好動，她與周國豐舉行的婚禮，豆豆就肩負做花仔的重任。新婚的利嘉兒表示暫時沒有造人大計，夫婦倆視豆豆為囝囝。
天氣轉冷，加上臨近聖誕節和新年，利嘉兒日前帶豆豆到跑馬地一間寵物時裝店，為愛犬添置新裝。利嘉兒抱着豆豆揀衫，先挑選T恤配牛仔褲的hiphoplook，她又擔心豆豆會凍病，所以給牠多揀一件外套。利嘉兒後來又拿黑超給豆豆試戴，她看到即讚不絕口說：「豆豆，好型仔。」利嘉兒還拿着手機蹲在地上為牠拍照留念。
過幾天便是聖誕節，利嘉兒準備帶豆豆一齊參加派對，所以挑選了一套燕尾王子服給牠，豆豆即變身王子，利嘉兒抱着牠拍照時，豆豆醒目地伸手，𠱁得利嘉兒開心地說：「你咁靚仔，又識做伸隻手畀我，咁做皇上啦。」
突然發難狂吠
豆豆十分為食，每做一個動作，利嘉兒都要給牠零食作獎勵，時裝店店主的愛犬來搶食時，豆豆發難狂吠，利嘉兒即訓示豆豆，然後說：「豆豆平時都好乖，不過一講到食嘢，佢就好惡死，佢同屋企另一隻狗成日爭食嗌交，要我做和事老勸交㗎。」
採訪：比華利
攝影：陳慧安
場地提供：DogParadise
