新地山頂施勳道八號新盤倚巒，以貴重豪宅檔次登場，住得起都非富則貴。
為照顧呢班富豪需求，新地話，用五百萬安裝三重保安防護系統，等住戶住得安心。例如裝喺牆身嘅數碼紅外線保安屏障，同埋視頻移動探測系統，可將三、四碼距離內物體攝入鏡頭，又有熱能攝錄儀同埋巡邏犬。
咁貴買套系統，自然要晒吓來頭有幾勁。新地話，好多國家國際機場、沙地阿拉伯皇宮、出入口邊境、發電廠及油田等，都用呢套系統。
新地陳秀賢話，示範屋大概下個月中開放畀傳媒參觀，全數二十二幢洋房，大約七幢已預留，每幢八千萬到一億，呎價兩萬五到兩萬八。
電郵地址：[email protected]