新世界發展（017）上周突然出招批股，似乎令對沖基金TCI知難而退，上周在市場上大手減持。新世界唔怕再受狙擊，可以有覺好瞓，但市場炒友就冇咗個炒作藉口。
同人唔同命，同樣係受TCI青睞的領匯（823），上周五雖然急跌，但昨日大幅反彈6.74％，收15.05元，好多經紀老友都估係TCI又再增持。
另外，經紀黃上個月初推介的宜進利（304），昨日公布截至今年9月底中期業績，盈利有8057.2萬元，比起去年同期上升39.8%，中期息派3仙。
經紀黃話，上月初佢推介宜進利之時，股價在1.70元水平，公司頻頻回購支持。宜進利現價雖已回升兩成有多，昨收2.175元，但距全年高位仍有一段距離，估計仍未升完。
明年芬佬焦點仍然係大陸的消費概念，宜進利正努力強攻大陸零售市場，頻開新銷售點，由中檔到高檔都有，照計會啱芬佬口味，所以佢覺得隻股應該有力再上。
慕容小初