楊千嬅、何韻詩和方力申等昨日到尖沙嘴出席Roadshow音樂頒獎禮記者會，眾歌手在台上即席拉票，竟然只得方力申知道自己憑甚麼作品入圍，千嬅更要當眾詢問司儀自己的入圍歌曲，其他歌手則只叫大家支持自己，場面尷尬。
楊千嬅、何韻詩、方力申、陳苑淇和官恩娜等，昨日在尖沙嘴出席Roadshow至尊音樂頒獎禮2005記者會，不過大部份歌手都不知道自己憑甚麼歌曲入圍，只得方力申事前知道自己憑《ABC君》及《自導自戀》入圍歌曲獎。
自嘲女車手
千嬅當眾問司儀憑哪首歌入圍，陳苑淇更坦言和官恩娜都不知憑甚麼歌入圍，其他歌手則只在台上呼籲大家支持自己，場面十分尷尬。
千嬅表示現時有太多頒獎禮，自己亦感到有些麻木，她說：「不過獎項都係鼓勵，亦都係一種推動力。」早前有傳千嬅為無綫推出大碟《女朋友》來換獎，不過千嬅強調去年已經洽談好，她笑說：「咁簡單就可以換，咁就可以去出埠，唔使日日通街走，做女車手啦！」
方力申則覺得多一個頒獎禮是好事，至於會否覺得缺乏代表性？他說：「唔同頒獎禮會有唔同嘅代表性，各有各特色，冇一個頒獎禮可以代表全部。」
阿詩發獎寒
何韻詩卻發獎寒，她坦言希望攞多些獎，她笑說：「我屋企呢兩年都冇乜獎項增添，好多都鋪晒塵，最好有新嘅替換。之前有風水師叫我唔好亂擺獎項，佢話對獎項唔尊重，我放咗去第二個地方之後，又真係好咗啲，所以我要對啲獎好啲，重要攬住佢哋瞓。」
採訪：駱華齡
攝影：陳偉權
