好似立法會咁莊嚴嘅地方，講嘢都係小心啲好。不過，長毛就顯然毫無忌諱，噚日立會討論緊兩院制時，長毛就無啦啦話，兩院唔係牛丸同豬肉丸，而係「高院」。
一聽到「高院」，全場嘩然，好似講緊啲好敏感嘅嘢咁。民建聯譚Sir發言時，就忍唔住叫長毛尊重吓議會，因為呢度好多女同事。點知長毛就反問譚Sir「你知唔知咩係高院吖」，譚Sir不甘示弱咁話，「我相信唔係講緊高等法院啩」，令議事廳無啦啦引起「高院」性騷擾疑雲。
不過，長毛就辯稱，自己講緊嘅只係話一個監察議院，無條件咁高過另一個民選議院，重怪責譚Sir靈魂唔乾淨，叫佢唔好侮辱人。姑勿論呢個解釋係咪可以接受，長毛言論都係小心啲好，費事惹人誤會啦。
傳真︰2623-9278
電郵︰[email protected]