近排籌款成績理想嘅香港大學，又收到一筆一千萬嘅捐款用嚟設立港大嘅「明德教授席」，呢筆捐款重係由十二名醫生捐出嚟㖭，當中包括港大微生物學系系主任袁國勇教授。平均嚟計，每位醫生要捐成八十萬出嚟，都咪話唔大手筆！
有人同八方講，呢班捐款嘅外科醫生，希望增加一個明德教授席，叫做「李樹培基金教授（外科）」，用嚟紀念終身奉獻畀醫學界嘅李樹培醫生。李樹培嘅子女今日都會專登出席呢個捐款儀式。至於由邊位教授可以獲得明德教授席，呢十二位捐款嘅醫生重喺度諗緊，似乎都真係幾頭痛。
傳真︰2623-9278
電郵︰[email protected]