MC6大功告成，可憐灣仔嘅食肆就血本無歸，做生意要交租要出糧，重有燈油火蠟，真係好多錢。八方噚日講開東海老闆鍾錦，估佢一定好慘，原來鍾生早兩日真係㷫到不得了，因為冇人幫襯，影響埋靠貼士維生嘅酒樓業從業員，真係唔知點算好，政府話補償，冇話有錢賠。
正當鍾錦無法入睡之際，佢太太忽然當頭棒喝，叫佢唔使咁嬲，「咪當年初二捐錢贊助政府燒煙花囉。」鍾老闆聽完即時成個人鬆晒，打電話畀啲友好話冇事啦，只係瞓唔着，皆因興奮過度。
寫到呢度，八方都服晒香港啲生意人、企業家，成功有因，如果成日掛住啲唔開心嘢，點可以突破困局？當然煲呔答應過幫手，都應該做番啲實際嘢，落區問吓啲商戶要乜幫忙。
傳真︰2623-9278
電郵︰[email protected]