自從上實控股喺96年5月底上市後，市場久唔久就傳佢哋董事長蔡來興將會調返內地，但係上實上市轉眼將滿10年，佢嘅地位依然屹立不變，反而喺佢之下的公司管理層如卓福民、陳偉恕及厲偉達等，不是已跳槽就是已被調返上海。昨日上實再公布，在港已屆7年嘅呂明方亦要返歸上海，其行政總裁職位將由蔡育天接任，蔡氏更會出任上實副董事長，而陸大鏞及陸申亦同時辭去上實董事職位。
上實發言人話，蔡育天同蔡來興並無任何親戚關係，叫大家唔好多心，不過，蔡育天獲委為上實大股東上實集團執行董事兼總裁，接棒嘅機會實在好大，而蔡來興就喺新聞稿內表示，現年56歲嘅蔡育天，喺上海市府（尤其地產方面）有多年工作經驗，熟悉上海地區的投資環境，將有助公司今後經營發展。