NoelGallagher同LiamGallagher兩兄弟為中心嘅英國人氣搖滾組合Oasis，將於下年二月二十五日嚟香港開一場演唱會，不過佢哋今次唔係喺灣仔會展或者紅館開騷，而係喺機場附近即將落成嘅亞洲國際博覽館舉行，成為首隊外國組合喺新場館開騷，而首位喺嗰度開騷嘅藝人就係陳寶珠。
周五賣飛
Oasis演唱會嘅門票今個星期五就會公開發售，據知門票分企位同坐位，企位票價分為七百五十同四百五十兩種，坐位分七百五十、五百五十、四百五十同三百四種。
Oasis係近十年英國最受歡迎嘅樂隊之一，九四年憑大碟《DefinitelyMaybe》大紅，代表名曲包括《Supersonic》同《LiveForever》等等。而佢哋九八年都嚟過香港開騷，當年fans嘅反應都好熱烈㗎，今次喺新場地開騷，希望帶來新刺激！