去年聖誕節發生的南亞海嘯，造成嚴重傷亡，不少居民痛失家園，至今尚未尋回在海嘯失蹤的親人。這場世紀大災難不經不覺已發生一周年，香港演藝界代表梁詠琪與杜汶澤在聖誕前曾到災區探訪，阿澤代表演協率先呼籲大家將買聖誕禮物的錢，捐給災民，相信不少人都會響應這件有意義的事。
去年十二月二十六日，南亞多個地區受海嘯侵襲，造成重大傷亡，無數南亞居民痛失家園，為了伸出援手，香港演藝界出錢出力，籌募善款捐給多個協助災區重建和救援的國際慈善團體，而這些慈善團體在過去一年為災區進行的救援行動，已拍下不少照片作為見證。演藝人協會為了向曾捐錢的善長仁翁交代，決定於下月五日起，一連四日在奧海城舉行一個海嘯一周年圖片展覽，同時會舉行一個記者會交代善款的用途。
演藝人協會理事何錦華昨日指去年的南亞海嘯籌款活動中，演藝人協會向各界共籌得三千七百萬元善款，而這筆善款除了部份作為行政費用外，其餘撥捐給樂施會、聯合國兒童基金會、香港紅十字會、宣明會及救世軍五個慈善團體。在五大團體協助下，災區重建進展良好，何錦華在電話中說：「圖片展除咗有相睇外，重會有短片播出，呢啲短片主要係介紹五大慈善團體喺南亞災區對災民所作出嘅關懷同重建行動，另外重會有杜汶澤同梁詠琪去過災區做親善探訪嘅圖片同短片睇。」
實地考察
港人心血冇白費
去年海嘯發生後，杜汶澤曾往斯里蘭卡探訪災民，連自己穿的鞋亦送了給小朋友，本月三日，他和太太田蕊妮再去斯里蘭卡探訪，還笑稱當作是去度蜜月，他昨日在電話中說：「因為上次《愛心無國界》，演藝人協會捐咗錢畀幾個慈善機構，我今次去係樂施會邀請，我作為代表睇吓佢哋，一年內啲善款用咗去邊。佢哋用錢好謹慎，係直接同民間團體傾嘅，唔會經政府。我探訪咗兩個計劃，一個係災後房屋重建，一個係義肢製造廠，斯里蘭卡啲人需要我哋扶佢哋一把，裝番肢體、重建房屋之後，佢哋都會搵嘢做，我哋香港人嘅善心係冇白費嘅。」
杜汶澤續說：「再探訪斯里蘭卡，我嘅感覺好好，重肥咗幾磅，因為我冇做壞事，做咗善事。𠵱家重建重進行緊，如果大家覺得生活迫人，壓力好大，成日做啲唔想做嘅事，咁就去做吓善事，既可以紓緩壓力，又可以幫到人，尤其聖誕節就到，嗰啲一百蚊交換禮物係最無謂嘅，不如送一份禮物畀遠方嘅人啦，一百蚊對於我哋嚟講只係一晚嘅遊戲，但對人哋嚟講，可能係一個月嘅人工。」
一年回望
圖片展公開近況
曾接受演藝人協會捐款的聯合國兒童基金會，早前亦邀請梁詠琪（GiGi）到了受海嘯影響的印度進行了一星期的探訪，昨日她應聯合國兒童基金之邀出席在跑馬地舉行的海嘯一周年報告發布會。GiGi指海嘯後她從未踏足過印度，所以事前並不知當地受災後的情況，她說：「今次去到好多地方都重建咗，但係仍然有啲屋係溶溶爛爛。」
GiGi謂最難忘是有一位男村民憶述當日眼見太太被巨浪沖走，但由於他手中抱着女兒，未能將太太救起，GiGi聽後非常心酸，她說：「聽完之後都眼濕濕，不過由於我做過唔少探訪，所以可以強忍淚水，唔希望影響到佢哋嘅情緒。我哋亦都有探訪一啲小朋友，佢哋陰影真係好大，有個小朋友講啲水浸到上頸時，表現好驚，重喊咗出嚟，佢哋真係要好長時間嘅心理輔導。」
採訪、攝影：胡比、張止寒
