國泰航空與港機工程噚日雙喜臨門，國泰喺港機旗下廈門太古飛機廠，接收首架波音747-400改裝貨機，廈門太古第4個機庫同日開幕，做主席做到下個月嘅唐寶麟，噚日更加攜同太太Carol（圖二）到廈門主持慶祝典禮。
一向極低調的唐太同華華講，十分支持老公辭職嘅決定，佢話既然做得唔開心就不要做，佢重透露，唐寶麟已經有幾份工嘅offers，大部份喺海外，所以佢估計，很快會舉家離港一段時間。
講番唐寶麟，平日眉頭緊皺嘅佢噚日心情勁靚，當主持人話開始舉行日式砸酒桶儀式時，佢一個箭步走去，好熟手咁穿上和服，拿定砸搥，笑晒口咁走來走去，對記者要求拍照不但樂意之至，重斟埋清酒畀記者飲㖭，華華估佢未辭職之前，肯定無呢支歌仔唱。