汪明荃（阿姐）與胡杏兒及黃宗澤因合作劇集《我的野蠻奶奶》稔熟，對於胡杏兒與黃宗澤傳緋聞，阿姐起初甚表讚賞，但後來她竟大潑冷水，慨歎二人工作忙碌，感情難以維繫。
汪明荃前晚在紅館演出「金曲情牽半世紀」演唱會，她出席慶功時談到胡杏兒及黃宗澤的緋聞，阿姐起初顯得相當興奮，頻讚是好事，後來卻大潑冷水，直言他們都很忙，感情難以維繫。
阿姐接受訪問時，提到胡杏兒欲開聖誕派對，阿姐說：「好，佢冇call我喎！」問阿姐會否叫杏兒邀請緋聞男友黃宗澤？她說：「梗係啦，佢哋係咪真㗎？外形都好襯，佢兩個都好有前途，玩吓手真係有新抱茶飲喎！」但阿姐想一想又感慨道：「佢兩個咁忙，好難維持㗎，都冇時間培養感情。」
最想擺酒
前晚的演唱會中，不少歌迷爭相與凌波握手，有歌迷疑跌暈，急召救護車送院，凌波在慶功宴上說：「陰功囉，冇人同我講，我唔想人哋為咗睇我受傷，好想問候吓佢。」
另外，胡杏兒昨日以公主look出席「現代經典」續約儀式，與老闆葉青霖齊為新場景「夢幻皇國」揭幕。杏兒表示希望在古堡舉行童話式婚禮，但又要擺酒慶祝，她笑說：「人哋話擺酒賺錢，兼且之前飲無綫監製嗰餐，好似搞慶祝會咁開心。」
採訪：王連連、馬建華
攝影：陳志嵐
